感覺上很久沒有影相，所以見星期五天氣好，帶了相機返公司，放工後在市中心週圍閒逛一番。但因為聽聞星期日天氣好，應該可以踩單車影相，所以星期五只行一些踩單車不會到的地方走走。
星期五當天不是暖，和風吹來也有涼意。其實三月時有好幾個禮拜氣溫也是如此，在復活節期間更有廿多度，但如此景況卻不能持續，日間總是跌回單位數字的溫度，晚上更跌破冰點。這環境對春天的植物是相當之困擾，所以觀乎一個月前已有如此溫暖，但現在四月尾時份的植物還未算是生長得茂盛。
偶然在市中心會見到馬車經過，不過現在方知牠們是在那裡聚腳等生意。
YAYA 都有幾次話我的相少人氣，所以今次就特別影多幾張鬼影憧憧的相！（難怪當時仍覺寒氣陣陣！）
喺香港能影到的就是, 水渠蓋, 電線杆, 路牌, 高樓大廈...那有這些東東..!?
回覆刪除[版主回覆04/26/2010 06:13:00]香港的生活方便是有代價的。
加拿大d花花草草都靚過人
回覆刪除[版主回覆04/26/2010 06:15:00]咁又唔可以咁講，加拿大天氣凍，植物怎樣都不比香港的多元化和茂盛。
花又靚, 天色又正, 如果係我就搵個草地好好瞓吓
回覆刪除[版主回覆04/26/2010 06:16:00]你唔駛提我你係一隻羊喎
天氣好好~~ 羨慕你...
回覆刪除[版主回覆04/26/2010 06:18:00]零下廿幾度時高氣壓的天氣一樣咁好，但就不值得你羨慕了
一片藍天已好耐無見過o係香港出現，你o個邊空氣好起碼都少樣氣管病....
回覆刪除[版主回覆04/27/2010 10:18:00]咁又係，好少聽人講有氣管病。
我係講真0架 .係香港就算有片咁嘅草地我都無膽瞓 落去 ,因為啲人多數都會用嚟放狗 .
回覆刪除[版主回覆04/27/2010 10:21:00]這裡的人又真係會隨隨便便在靚的草地上週圍坐，唔靚的草地（多野草）就用嚟放狗多
見到咁藍天白雲, 天朗氣清, 真係人都開心D
回覆刪除雖然....我感受唔到當中的寒冷
[版主回覆04/27/2010 10:23:00]又不至於寒冷。我坐在路邊在太陽傘下吃我的漢堡包晚飯時，也只覺少少涼意吧
如果我地可以好似候鳥咁一年南北往還過生活就好o羅~~
回覆刪除[版主回覆04/27/2010 10:24:00]你買咗六合彩未？