在過去的六天，我都是心血來潮找出了盒 MG 煞沙比來砌。而投入的程度甚至乎那盒 Sazabi 及相關的書刋都霸了我半邊床。其實這盒模型推出當年已經入了手，多年來只改過一下胸部及大腿；但胸口一直做得不滿意，所以一直停滯不前。(模型的盒因為太大和已經頗殘舊，一直都想完成它和掉了個盒，但每次打開盒都沒有靈感處理胸部，結果沒有任何進展。)今次因為參考了 HGUC 版本，把胸部中間突出的部份加闊了，連帶其他部份改造的靈感也源源湧至，所以就停不了手。閒話休題，去片！
今次只集中改胸部和面部，亦改過下背面的裙甲，但這個煞沙比需要改的地方還有不少，我甚至乎想把半個肩甲重造！不過現在胸內的 Mori Mori 需要幾個星期時間乾硬定形，又是時侯把它打入冷宮，而家中亦需要趁今天(星期日)打掃下，同時我煲西洋菜湯還未去買西洋菜
隻MG Sazabi 外形上本身都有好多不足處 話晒都係比較早期的mg系列...要執靚佢真係大工程了.... 整隻HGUC 就快靚正啦~
回覆刪除[版主回覆10/27/2008 06:54:00]早就入咗這部 MG 版，唔通真係掉咗佢咩，唯有頂硬上！
睇返MG，原來HG咁型仔﹗
回覆刪除[版主回覆10/27/2008 06:55:00]你現在先知，真係身在福中不知福。
早早就應該開始呢! 睇怕你整完之後我都要翻閹佢!
回覆刪除[版主回覆10/27/2008 06:56:00]與其翻閹，不如等隻新安州甚或希望笨大出 ver 2.0 Sazabi 把啦！
我三年前就係用呢部去玩電擊比賽
回覆刪除因為當年花了我頗多精心同心機，可惜到最後亦必唔到圍，所以現在連相都冇影多一張，只係放左佢係workshop
現在明白了，自己當年功力有限，現在多少也比當年進步了少許，我正等待將我o個隻洗件，從頭再做一次我心目中的sazabi。因為我都係個馬沙迷。
如果你整呢隻的話，我和你可以有好多話題了~!!!
[版主回覆10/27/2008 06:59:00]如果我唔整呢隻的話，你和我都可以有好多話題，除非你删去你個唯美寫真欄
煲西洋菜湯唔單止要買西洋菜，仲要搵條西洋菜黎煲先至正宗！
回覆刪除[版主回覆10/27/2008 10:26:00]西洋菜嘅嘢，唔可以太強求！
把半個肩甲重造? 有乜idea呢? 乜原來Mori Mori需要幾個星期時間去乾架?
回覆刪除[版主回覆10/27/2008 10:37:00]Mori Mori 不需要幾個星期時間去乾，最多一小時就定形，快者個多小時就乾到可以打磨。Mori Mori 號稱不會收縮，其實在長時間之後都一樣會輕微收縮變形。這部沙煞比胸內有很多 Mori Mori 作固定其他零件之用，如果我把胸部的所有零件拆散，過幾個星期之後因為收縮變形就不一定可以如原先般組合起來，所以現在組合著渡過這幾個星期時間就不太怕部件走位或插不入去。
To 字母先生:
回覆刪除你同個阿叔講咗摸摸你未?
[版主回覆10/27/2008 10:38:00]佢可能揾到個靚女售貨員問
To: 地理堂 明白哂摸你摸你的特性... To: 阿蟲 未得閑去喎... 再To: 地理堂 嗰間模型舖確實是有女店員, 但她是一名嬸嬸! 我等後輩亦不敢口出狂言...
回覆刪除[版主回覆10/28/2008 12:37:00]從來都沒有叫你出口，要出手架
你蝕左啦 初初一出啪起呢隻真係好鬼開心~又好玩 但相處耐左就覺得佢缺點多多 而家睇返都覺佢有d過時 最後打佢入冷宮
回覆刪除[版主回覆10/28/2008 12:36:00]你好似講緊女人咁
最型仔既沙鴨肶都係HCM-PRO呢!
回覆刪除[版主回覆10/28/2008 12:35:00]咁要找找圖片參考下啦！
依隻嘢我都打咗入冷宮九年，以家有ＨＧ，更加唔會學你咁番卓佢！
回覆刪除[版主回覆10/28/2008 12:34:00]HGUC 雖好，我覺得也有不足之處，所以在香港時沒有買到。
我都有買e盒,一直等vp出改件....
回覆刪除[版主回覆10/28/2008 12:32:00]恐怕不會吧，這是早期的 MG，沒有一套像樣的內構，出改件不會是再造外甲那麼簡單；不如等笨大出 Ver. 2.0 好過
家陣睇落兩邊胸好似唔多夠橫,會唔會係未整完
回覆刪除[版主回覆10/28/2008 12:29:00]我其實是收窄了兩邊胸口，這樣子我反而覺得較順眼。
原來如此! 真真正正明白何為"摸你摸你"
回覆刪除[版主回覆10/29/2008 06:45:00](Empty)
我n年前砌過佢, 後來仲trade左...
回覆刪除[版主回覆10/29/2008 06:46:00]Trade 得都會砌得唔錯喎！
之前"CW"和"NG"都有出,我覺得前者幾合我意, 而"VP"是"CW"分拆出來,所以覺得"VP"再出的話, 應該是最理想,也最近似我心目中既ssb...
回覆刪除近期"VP"常出返"CW"時代既返炒作品,例hi nu,zz等, 所以ssb應該都是時候再出,不過苯大12月出Sinanju, 可能會改為用Sinanju套骨架都未定, 那麼盒ssb便變得冇意義了...
[版主回覆10/29/2008 07:00:00]原來之前已經有出 Sazabi 的改件
我都覺得用 Sinanju 套骨架有可能出到 Sazabi，否則用全新鋼模出 Sazabi Ver. 2.0 會好貴
唔係呀, 而且隻野粗粗地砌,加上日久失收, 後來都係以賣骨架的方式, 半賣半送trade左俾人.
回覆刪除[版主回覆10/30/2008 09:51:00]隻嘢其實冇乜骨架可言
MG 版 我都有一隻, 但近期心思思.想砌 Gundam oo "MG" 版
回覆刪除[版主回覆10/30/2008 09:50:00]1:100 隻 00?
yes 1/100 MG OO
回覆刪除[版主回覆10/31/2008 10:48:00]會發鬼光，萬勝節要小心