Translate

標尾會

丙戌年我一直都諸事順利,但好似瘟神要趁年尾標尾會一樣,當黑事一件接一件,雖然不至於話黑到要入醫院或叫差人,但總之就禍不單行。繼出發去多倫多前隔籬屋漏水事件之後,我就斷斷續續當黑。上星期回到多倫多之後,平均每日要花一小時 setup 阿媽部電腦才上到網,最高記錄是六小時!跟住就係冷病了,明天一定要請病假,因為昨晚飛機遲了三個鐘,鼻塞頭痛下困在侯機室內幾粒鐘病情自然不會有甚麼起色。昨晚凌晨兩點在機場停車場內正當慶幸部車在零下十多度中還 start 到可以駕車回家,今天發現部車死了火,因為昨晚回到家中忘記了熄一盞細燈,結果電池無電,頂!所以雖云明天請病假,但其實要整車,買餸,安排修理被水浸壞了的木地板,call 保險等等,休息似乎係妄想!應該在年三十之前生活會回復正常

9 則留言:

  1. 祝君好運吧﹗我擒日都打敗仗,瞓咗成日,最傪臨瞓才發覺張床有二舊屎,同一撻尿蹟(是科妮的好事)﹗﹗希望我個尾會已標完啦﹗

    回覆刪除
  2. 立春已過, 狗年已經開始.  兄弟們! 要確定不如意的事是標尾會或是..........

    回覆刪除
  3. crabchiu:你應該限制科妮的活动範圍,一方面是懲罰另一方面是維護你的生活安全! hell99:所以我已經避開了不用狗/豬年了! BTW,剛才已經把部車拖去車行了

    回覆刪除
  4. crabchiu, 你又令我笑到拍爛個 mouse 啦 (因為我心地唔好ar)!!!!  你簡直係歡樂先生~ 有資格做歡樂今宵~ 你令我回想起我隻小狗,夜晚係車度開大,又唔出聲,我成隻手鏟o左落去,好搞笑!!  暖的!!  super fresh~  

    回覆刪除
  5. 唔記得講重要的說話: 祝各位身體健康!!

    回覆刪除