Translate

寶剷未老

世上有一些朋友,是屬於良師益友,這點古時孟母已明白這個道理;相反地有一些人就所謂累街坊的。而如果那人是我的朋友的朋友的話,被連累了就未免有點冤枉吧。自從我透露了我個朋友個朋友把芫荽當西洋菜煲了一大煲下火湯之後,實在有太多人以為連我在廚房也是乸手唔成世之流。為了以正視聽,現在就讓我介紹一下我昨天的大作,登、登、登:炒飯。雖然我已有十多年沒有炒過飯(事後實在要洗餐死),但仍然可以炒出一碟似模似樣的炒飯,算是不錯吧  看倌請不要以為圖中這碟色彩繽紛的炒飯只是好看而不一定好吃,其實這是一碟色、香、味俱全的炒飯;試問炒一碟飯,不必用西洋菜的話又可以錯得到那裡呢?!


11 則留言:

  1. ‧唔! D色水唔錯! 用咗幾多號冧把嘅模型油?
    [版主回覆11/03/2008 07:24:00]
    有手勢的話又何須用模型油呢
    有手勢的話又何須用模型油呢
    編輯HTML源碼

    回覆刪除
  2. 個飯盒放咗係邊?
    [版主回覆11/03/2008 07:21:00]嗱,你都以為有商業水準呢

    回覆刪除
  3. 食左之後有冇咩唔妥咁?
    [版主回覆11/03/2008 10:14:00]食完之後剩係覺得自己好似有咗咁,仲想食多份

    回覆刪除
  4. 果d啡色既肉係咁牛柳粒黎架?應該用叉燒會正d喎!如果真係搵牛肉,肯定實到飛起!
    [版主回覆11/03/2008 10:18:00]牛柳粒?!我屋企鬼有咁嘅冷飯菜汁咩?!那是香腸,牛肉及羊肉味,非常之辣但好香羊肉味,正

    回覆刪除
  5. 炒飯的好處係..除左飯之外,其他野係可以亂咁落都冇人知
    [版主回覆11/04/2008 06:10:00]基本上可以切碎的都可以放入去

    回覆刪除
  6. 我諗好好味
    [版主回覆11/04/2008 06:11:00]不需諗,真係好好味架

    回覆刪除
  7. 整日本菜我比較拿手~~~~~出前一丁。
    [版主回覆11/07/2008 07:21:00]出前一丁也不是每種都易煮,我現在家裡的一箱「東京紫菜醬油湯麵」就試煮了多次才滿意!

    回覆刪除
  8. 炒得好似好干甘喔~無錢買油啊?
    [版主回覆11/07/2008 07:26:00]你這個問題實在問得太好了!我除了在炒蛋時落過油之外就沒有再落;在用油這點上我與國內的煮法(喜歡落很多油)是完全不同的!

    回覆刪除
  9. 我都識其中一個步驟架! ~ 炒蛋~
    [版主回覆11/07/2008 07:27:00]我估你都識另外一個步驟:焗香腸!

    回覆刪除
  10. 住加拿大都要識煮嘢......
    [版主回覆11/09/2008 00:18:00]對呀,一場大風雪難道還要跑出街覓食乎(假設有食肆仍然營業)。

    回覆刪除
  11. 色彩構圖運用得都唔 錯bor. 可能仲幾香口
    [版主回覆01/17/2010 09:58:00]直頭無得彈啦 

    回覆刪除