笑笑團既然是以 Z 時代作主題，那麼總要回顧一下《機動戦士 Ｚ ガンダム》才像樣的。手頭上有的是一套美版 DVD；據維基所說，這版本的翻譯並不準確。所以我也不能百份百肯定自己所言會是正確，但既然這是官方美版，憑此而被插也不冤枉吧！
也數不清這是第幾遍翻看 Zeta，但看罷的感覺都是相同的；完全沒有投入感，故此 Z 時代並不屬於自己似的。我不明白為何富野由悠季會為這套當年動畫迷熱切期待的續集塑造出嘉美尤這個角色。從一開始他就是一個惹人討厭的角色，他的行為個人就完全不認同，故此在開端時（至少十多集戲）的故事跟著他走實在令我看得很辛苦。雖然在後面的故事中他已經比較成熟，被人打多過他出手打人，但之前的壞印象總叫我揮之不去。提到打架，這套高達是我所見中，劇中人最多以拳頭解決問題的一齣。角色動不動就出手打人，雖然富野曾經以嘉美尤的口講過，「用拳頭解決問題是野蠻的行為」，好可惜當時的嘉美尤只是不夠 Wong Lee（還是 Lee Wong？）打才有此言論。之後劇中人互毆仍有所見。
除了嘉美尤這角色特別令人討厭之外，其它角色雖然不是特別好但也可以稱得上恰如其分。但角色之間的關係就錯中複雜了，恐怕其他高達劇集的複雜角色關係都是從這齣續集中衍生出來的公式。看倌請留意，角色之間的關係複雜是一回事，劇中能否有效描寫這些關係卻是另一回事。在這個問題上，我只覺得富野老頭是眼高手低！作為科幻模型迷，整套 Zeta 的機設是可以令我看完這齣劇的唯一原因！
老實講，這套 Z 係看到悶出鳥來。
回覆刪除之後看 ZZ 反而有點趣味，因還有一點笑果。
富野眼高手低，在他多套高達作品後，我可以說這句評價對他來講是恰如其份的。
[版主回覆03/16/2009 01:41:00]老實講，連「眼高」我都有所保留的。最後 Zeta 打敗 The O 所倚靠的「生命力」，不是甚麼「眼高」的東西吧！
Z除o左如你所說角色關係複雜難明之外, 就算係打鬥場面都係無咩睇頭. MS大多都係離遠互射爆炸就算數, 格鬥少之又少. 眾多新機體出場都無什特色. 所以唔會好似一年戰爭咁差不多每隻MS都有自己之"名場面". 真係浪費晒d靚機設
回覆刪除[版主回覆03/16/2009 01:51:00]基本上 Z 在打鬥場面是比元祖有進步的，但它生不逢時，之前有《超時空要塞》這劃時代的作品，令到 Z 從多方面看上去都迎合不到動畫迷的要求。我同意你所講，新機體出場都無甚特色，欠缺了「名場面」；這點我想是貪多嘴不爛的惡果。
我有劇場版, 劇情緊湊D, 好多打鬧場面係新做, 要唔要借嚟参考吓!
回覆刪除[版主回覆03/17/2009 09:29:00]聽完 JKL 的話，當堂對劇場版無興趣，不必了，謝謝
Z入面的"嘉美尤"呢一個角色相信係咁多套高達入面係最令我反感的一個(大家可能都覺得),反而ZZ入面"捷度"我較喜歡多一點
回覆刪除[版主回覆03/17/2009 09:28:00]馬反中的 Quess Paraya（駕駛 α·亞索龍的那個）之令我反感是可與嘉美尤紹媲美的！
睇 Z 由頭到尾都係一個個悲劇...
回覆刪除個 ending 仲慘不忍睹...
[版主回覆03/17/2009 09:20:00]悲劇不是問題，是處理的手法才是慘不忍睹
Z我看到一半就冇興趣T了...所以都系做馬沙的力奇戴維斯~！
回覆刪除[版主回覆03/17/2009 09:15:00]以 ball 哥所講，馬沙的力奇戴亞斯真係想唔到有乜「名場面」。
其實我無睇過Z及ZZ! Z就睇咗套電影版, 第一集睇到訓咗... 到亞寶出場先訓醒! 但如你所講, 嘉美尤真係令人返感!
回覆刪除[版主回覆03/17/2009 09:13:00]嘩，第一集睇到訓咗，你這個回應都好有指引作用
電影版直頭cut到唔知佢想點...
回覆刪除[版主回覆03/19/2009 10:15:00]電影版咁差？！又話富野憑它攞獎嘅？
本身咁多套高達動畫我都淨係睇過Seed, 後來見Z劇場版出碟於是把心一橫去租黎睇睇, 結論係...睇左等如無睇。
回覆刪除[版主回覆03/19/2009 10:18:00]應該先睇 0083 及 08 小隊嘛！
有關Z以上種種批評很認同，人物、故事及劇情直叫Gundam迷失望。可喜的是機械設定領人興奮，繼承0079後七年的科技躍進所誕生的新一代MS及MA，擁有豐富機械感同時風格各異，創意百花齊放其中代表作Z、百式、The O、翰洛巴爾、歇士尼、Psycho Gundam、卡碧尼等等，都深刻地影响日後的機械設定。 P.S. 近年的代表作誠意推介"Gundam 00"
回覆刪除[版主回覆03/25/2009 09:17:00]真係好似無人喜歡 ZG 的劇情和人物咁！到底係我們中國人不懂欣賞富野老頭還是富野老頭諗嘢嘅器官坐住咗？
00？！Destiny 好似不久前才在北美出完咋喎