昨日下午終於出動，去了旺角的聖地摸拜一下。首要任務是買盒行貨 GunPla，以取其標籤遞交作電Ｊ參賽之用。原來行貨 GunPla 也要走入第三間舖才找得著！
下兩圖：有可能是今次香港之行的最大收獲！在煙廠街附近的模型舖買到的子彈鍊。雖然體積勉強只可用於 1:100 高達模型上，但如此精細的子彈鍊也只可以用全金屬製成。我少用金屬補品，因為多數金屬補品都可以用膠品代替（蝕刻例外），金屬製只是更精準吧！不過這種子彈鍊除了細緻之外，更重要是可以屈曲，不是（硬）膠製可以做到。而自問就沒有見過膠製的類似東西了，難怪我一見之下雙眼有點發光。
下圖：就是買了這盒！早幾期 Hobby JAPAN 中見（好似） Seira Masuo 砌了它，少少改動但效果大大，不得不令我技癢。
下圖：雖然模型盒將會拆開才帶走，但也不至於要一打開盒就自動替我拆開吧？！
下圖：雖然模型架將會作垃圾，但也不至於要一打開盒就見到它變了型吧？！
一塲黎到就要買多d 模型, 我諗香港d 模型會平過你嗰邊啩....
回覆刪除[版主回覆07/28/2010 07:57:00]梗係平過加拿大買啦，香港分分鐘平過日本添！
一返到嚟就手痕要詐詐林砌嘢？
回覆刪除[版主回覆07/28/2010 07:58:00]當然啦，手痕要醫架！
行貨喎! 係咁上下嫁喇! 話時話咁早起身? 倒塔呀?
回覆刪除[版主回覆07/28/2010 08:19:00]時差嘛，人老係咁架啦
四點幾？你未訓定係剛剛起身呀？最衰落雨，唔係你一定落左街晨運！
回覆刪除[版主回覆07/28/2010 17:01:00]係剛剛起身 但因為只係我同我阿媽起咗身，為免嘈醒其他屋企人，所以唔敢出去晨運
唔知大大你個作品係點嘅呢 小弟作品好易認,人間大炮(狙槍)加9唔答8迷彩吉姆
回覆刪除[版主回覆07/28/2010 17:03:00]我件參賽作品還是不提也罷
有D掛住蛇婆婆...佢點呀？ 祝大人歸港愉快 ，玩得開心 。
回覆刪除(P.S. 記得shopping睇埋AFV，譬如 火車頭 啦...)
[版主回覆07/29/2010 06:04:00]蛇小姐今日交了件之後，就會在晚上放上網。大人勿念！
多謝大人，玩香港的黑雨真係好「開心」
原來你比我想象中還要邪惡
你真係停唔到手喎~
回覆刪除[版主回覆07/29/2010 05:53:00]在香港的時間有限，梗係密密行動啦！
有冇搵到其他好嘢
回覆刪除[版主回覆07/29/2010 05:52:00]未，但正在努力中！
咁快手? 到步不久就砌好一件?!
回覆刪除[版主回覆07/29/2010 10:46:00]係啪好一件啫，第二件正在努力中
嘩！尋日你落旺角個段時間，正是黑雨的高峰期！ 盒模型一啲水積都無，你都保護得佢好好呀！ 試完黑雨，過兩日就可以試埋33度熱爆嘅"濕熱"！ 去開旺角如果想揾啲舊模，係窩打老道(廣華街平排個段)仲有間叫"宏記"的換模型舖，都算齊貨齊款的，價錢算合理 ~ 當然還有千里達那邊的皆旺，3樓有模型平賣，隻666就是在這兒買的 !
回覆刪除[版主回覆07/29/2010 10:43:00]謝！那日去旺角，就係唔記得路去皆旺
FA係咪諗住加大Booster呢
回覆刪除[版主回覆07/30/2010 07:30:00]未諗架，只係見佢平平哋有啲潛質先入咋。比你你會咁做？
番到香港都好忙o下喎！馬不停蹄又拍新巾又趕補貨 ~
回覆刪除[版主回覆07/30/2010 07:26:00]我好勤力架
你真係唔會停架喎
回覆刪除[版主回覆07/30/2010 07:25:00]在香港的時日有限嘛！
一返嚟就不停補貨, 有冇揾隻RG gundam
回覆刪除[版主回覆07/30/2010 07:24:00]等去日本先揾隻 RG Gundam，現在香港炒得太緊要。
我想佢萬一出大背包版時先至入咋..
回覆刪除[版主回覆07/30/2010 16:08:00]原來還有大背包版，我只知佢有光脫脫版