這幾天的模型進度意外地快了不少，竟然已經可以把蛇上身完成了八成以上。於是乎這模型終於可以出現七條蛇了
下圖：請不要問我打算怎樣平安地把這個蛇頭運回香港！（雖然整個頭是可以拆下來，而混合畢地製的小蛇中是有鐵線作強化。）
下四圖：整件模型的大致佈局。（我知道它應該與不少卜友心目中的想像有極大的迥異，但從開始製作至今也是朝這個方向行的。）
下圖：蛇身的麟最後還是要用這東西去慢慢做，因為之前用海綿的方法行不通。（其實用海綿把開稀的綠畢地印在蛇身上作麟是可以的，至少初時是得，但當畢地風乾收縮了就完全沒有蛇麟的感覺了。
下圖：先黐那些小圓珠上身。
下圖：再塗一層開稀的綠畢地就騙倒下人了。
話時話，這條蛇是叫「墮落天使」
謝謝收看！
真係估你唔到喎
回覆刪除[版主回覆07/09/2010 04:42:00]是你太正常吧！
好一條 "好攪野的蛇" ~
回覆刪除我想問句呢條"攪野的蛇"係咪o係度 "品神"
[版主回覆07/09/2010 04:43:00]品的確是品，但不是神而是其他東西
暫時仲未接受到 ........好重口味
回覆刪除[版主回覆07/09/2010 04:46:00]第一次拼起來時我也是接受不到，差點想放棄專心砌部 Geara Doga，但最後心想還是不要半途而廢。
呢個造型我Buy ,如果個機械人可以再大就更正
回覆刪除[版主回覆07/09/2010 04:49:00]要用 HG 和 SD Wing Zero 的部件的話，個人身就差不多大到盡了。或者說，條尾是越做越大了
個機械身唔夠大呢... 係唔係仲有o野加呢??
回覆刪除[版主回覆07/09/2010 04:49:00]無嘢加了，否則就沒有時間
........... <---無言中
回覆刪除[版主回覆07/10/2010 10:18:00]總好過一開口爆一個「X」字
個人樣係模擬邊個造出黎架?
回覆刪除[版主回覆07/09/2010 04:51:00]我邊有本事話模擬邊個邊個呀，只是隨意雕削個人樣就算了。
堂兄, 小弟愚見, 我估佢係"女"性吧, 那可以加強一點女性特徵 如胸,腰的線條 另外, 因為看蛇身的粒粒都唔慌係可愛感覺, 應該係有點 fantasy + 恐怖 + 高達的感覺, 那麼上身的感覺必須統一, 否則會上身同下身感覺不一. 面相雖然未完成, 但你想表達的是甚麼表情? 那個咀型同眉型好像是有點"幫下我吧"的感覺, 同下身那種有點恐怖的感覺有點不一樣. 如果看你身體及翼的比例, 其實你係唔係想做一點SD的比例效果?
回覆刪除[版主回覆07/09/2010 05:05:00]多謝你的意見 其實我不是想要恐怖的感覺，而是要殘的感覺。故此我以前的回應常常說，它的製作要求不用高。既不必太著重對稱又不需磨到滑一滑。所以蛇身一早就打磨得瘦骨嶙峋，人身表面只用粗沙紙磨出皺紋的質感，一對乳房又刻意是「貧乳」，連背翼也要弄穿兩個窿。所以現在的形態其實與我想要的已有八成的了。至於為甚麼要做一條半死的殘蛇，那就只有在交件日才揭曉了。
我覺得蛇身加了甲後, 比例上人身太細了~
回覆刪除覺得這比例不太自然呢~
[版主回覆07/09/2010 05:12:00]對，蛇身是越造越大。只怪自己當初是先造蛇身後造人身，而人身的大小卻又受制於 HG 和 SD Wing Zero 部件的呎吋。不過其實我時常安慰自己，這模型明顯地不是走「靚」或「型」的路線，有靚或型的感覺反而不好，壞了我想表達的信息。
I like it pretty much!
回覆刪除[版主回覆07/09/2010 13:04:00]謝謝
我都知依家講可能太遲,但上身睇來真係細咗啲... 用1/100做會唔會啱比例啲呢? sumimasen...個人認為現在睇落唔係太似「一條半死的殘蛇」,似個瘦骨仙俾人腰斬後再塞入條蛇,死唔去又無助的表情...
回覆刪除[版主回覆07/09/2010 13:03:00]其實一開始是用了 1:100 HG 去造，但發現還是太細，於是立刻買了盒 SD Wing Zero 才有更大的頭。所以上身再大的話就用不到膠料部件。 你這個腰斬的比喻又幾到肉
無論你造成點，我都會繼續支持你（好似啞媽對住嗰仔咁） 請問這件嘔心瀝血作品名稱是什麼？
回覆刪除[版主回覆07/09/2010 12:58:00]謝謝支持 至於作品名稱，到時你就知
藝術呢家野真喺好深奧........深奧到難以形容
回覆刪除[版主回覆07/09/2010 12:56:00]好彩它不是甚麼藝術，所以通常這情況下的形容只有「X」這一個衝口而出的字
這是藝術品
回覆刪除[版主回覆07/09/2010 12:54:00]你咪見著得少衫嘅作品就叫藝術品先得架！
天啊 ! 我喜歡的Wing Zero ~點會變成"o甘" ~ 我最感興趣是面, 手, 身會上咩顏色呢 ?
回覆刪除[版主回覆07/10/2010 10:20:00]面, 手, 身應該會是蒼白的膚色。
每次 update 都有驚喜...
回覆刪除係唔係想 "出奇制勝"...
[版主回覆07/10/2010 10:22:00]「出奇」是不能抵賴，但「制勝」就不可能了，這模型實在太沒有三甲相了。
梅杜莎
回覆刪除[版主回覆07/10/2010 10:25:00]對，是梅杜莎。比我想像中易加那些蛇
我都唔係幾接受到個樣...
回覆刪除條頸又廋又縐皮，有Ｄ似個阿婆披件盔甲去打扙，唔人道呀...
話時話，Ｄ蛇靠肌肉伸縮咁Ｓ字形來爬行，佢而家穿左盔甲，肌肉唔貼地，仲點爬？使唔使同佢裝番個噴射器？
[版主回覆07/10/2010 10:29:00]「有Ｄ似個阿婆披件盔甲去打扙」，那麼我有一半做得成功了 終於有人想到這爬行的問題 答案係：我都唔知，但我信「蛇有蛇路，鼠有鼠路」這句話
一定係中咗Lightning Thief D毒定喇!? 個人樣要似奧瑪花曼至收貨嫁!
回覆刪除[版主回覆07/11/2010 01:39:00]我都無睇 Lightning Thief 造到似奧瑪花曼的話睇怕會比佢告誹謗
參加比賽,當然想攞獎...
回覆刪除但年年賽果都有驚喜,改一改可能柳暗花明...
既然投入咗咁多,點都要堅持下去...
[版主回覆07/11/2010 01:42:00]因為我不在香港，所以參加比賽只是一種可以置身其中的體會。最重要還是交件攞件那時的熱鬧
嘩．．．我好驚喜
回覆刪除[版主回覆07/13/2010 05:43:00]希望無令你失望吧
令我諗起高登禁忌之相蓮蓬圖!!!
回覆刪除[版主回覆07/15/2010 10:29:00]乜唔似 raspberry 咩
這個極好效果呀!!! @v@ 我一直都好想試整這種皮!!!!
回覆刪除一樣呀~!!!!!正呀 !!!!! >V<!!!!
[版主回覆07/19/2010 08:51:00]妳應該有更好的方法去做，只視乎妳剝皮的本事吧