自從把電 J 的那條大蛇的面紗揭去大半之後，就好似裸了全身般讓大家見到我不為人知的騎呢真面目一樣。為了讓大家盡快忘掉我這個真面目，唯有拿出殺手鐧來轉移大家的視線。這幾日因為模型的進度十分順利，作為正常男人的我自然想去偷食其他東西，於是乎拿出塵封已久的鐵人出來玩玩。這個鐵人式嘛，其實也沒有打算用來參加笑笑團的，但可能這幾日的天氣太熱的關係，就如男女在炎夏裡走在一起會打得火熱，模男與模型走在一起亦會擦出火花。於是乎立即在卜中掛上笑笑團的 banner，亦通知團長把原本用作笑笑團的獨角獸改作這部鐵人式。
下圖：素組的鐵人。個人認為最奇怪的設計是一雙向前轉的膊頭。
下圖：於是乎手痕之下前後掉轉了胸部正中的部份，令到一雙膊頭可以向後轉。
下圖：向後轉的膊頭除了比較自然之外，靈機一觸之下加對大炮又幾好看喎！
下圖：不過加了大炮之後，鐵人就不應該是埋身戰的武器。那就把頗為礙眼的腳盾拆去吧！
下圖：原來把胸部正中的部份前後掉轉後，部鐵人的腰可以較易向前傾。作為發炮的姿勢又幾順眼喎。
下圖：不過又加炮又向前傾的話，整件模型在視覺上前實後虛有點不平衡。既然如此，那就在背上替它加一對「翼」吧
下圖：這角度下可見，如果背部沒有那對紙造的「翼」的話，視覺上前實後虛的感覺就相當清楚了。
下數圖：其他角度下的大至雛形。
謝謝收看，如無意外的話，秋天再見
七月十日補註：今日在公司正積極開發一對「翼」
堂大人創意無限的思維, 在我們的腦海中揮之不去
回覆刪除[版主回覆07/09/2010 13:07:00]創意無限的思維恐怕你要去 Model Arena 處找了，那裡大有人在。我也是左抄右抄矣
我見到有兩枝 百力知 ....
回覆刪除[版主回覆07/10/2010 10:05:00]乜百力枝白色架咩？你咪蝦我幾十年無食過百力枝先得架！
未到最後一刻,都未知鹿死誰手...
回覆刪除堂兄努力呀...
[版主回覆07/10/2010 10:06:00]努力中，不過不是砌它吧
又有新 IDEA，咁就坐定定等睇野囉 ~
回覆刪除[版主回覆07/11/2010 01:48:00]希望唔會爛尾啦
又有大炮又有翼, 唔怪之得可以一個打十個... 如果Pocky係歸入為百力知的話, 真係有白色的... 開發「對翼」洗唔洗計咁多數呀
回覆刪除[版主回覆07/11/2010 01:47:00]一個打十個，講就真係得架 <O 咀中> 如果Pocky係歸入為百力知的話, 真係有白色的... </O 咀中> 要計好先可以放入風洞架
如無意外的話，秋天再見 Coming back in Fall again?
回覆刪除[版主回覆07/11/2010 01:44:00]係部鐵人秋天再見，要完成了部吉姆和 Ma.K. 先可以主攻它。
地理堂兄,知5知CANADA有無MR.hobby啲水性油買呢
回覆刪除[版主回覆07/11/2010 06:52:00]有，但不是每間模型舖都有 GSI 的水性油賣。
哈哈哈哈..啱啱行過見到...原真係有百色嘅 '百力le' 架.... 你今日食咗未!?
回覆刪除[版主回覆07/13/2010 05:48:00]你真係唔好呃我幾十年無食過百力枝喎
發炮個姿勢, 好有氣勢 (睇吓個下盤馬幾穩 )
回覆刪除[版主回覆07/13/2010 05:49:00]我就係意外地發現這個姿勢幾好樣
你張數紙流定堅架
回覆刪除[版主回覆07/13/2010 05:58:00]堅架，我想造一對弧形的「翼」，但設計上要弧度一致（即是要圓柱體）。因為體積和重量的關係，弧面需要有骨架支撑。但外形設計卻不能用圓形膠片，經計算後現在我知道要用甚麼外形的膠片作支撑了。
從寫滿數字/程式既草稿睇，我懷疑你係以砌科幻模型做掩飾，其實係幫加拿大政府秘密研制高達形機械人武器來征服世界...
回覆刪除[版主回覆07/13/2010 06:05:00]加拿大政府開發的機械人武器爬一層樓的樓梯要半粒鐘，如果由我開發的話一定會等到敵人悶死咗先爬完一層樓的樓梯 Military robots
地理sir你的正職係唔係秘密結社內的瘋狂博士??!
回覆刪除[版主回覆07/13/2010 06:05:00]「別人笑我太瘋癲，我笑他人看不穿」
加咗對翼就可以納入空軍陸戰隊啦！
回覆刪除[版主回覆07/13/2010 06:07:00]留意，上面「翼」字是有引號的，所以鐵人仍是不折不扣的陸戰 MS！
嘩! 那程式好高深... 你要部鐵人真是可以飛上天嗎?
回覆刪除[版主回覆07/13/2010 06:11:00]不高深吧，應該是中六程度的數。要飛上天不難，小學生也做得到，只不過不能安全著陸吧